टोम्पे महाविद्यालयात रस्ता सुरक्षा नियमांचे मार्गदर्शन व रासेयो तर्फे पथनाट्य व गीताने रॅलीद्वारे जनजागृती

स्थानिक गो. सी. टोम्पे कला, वाणिज्य व विज्ञान महाविद्यालयातील राष्ट्रीय सेवा योजना, ग्रामीण रुग्णालय व पोलीस व वाहतुक प्रशासन, चांदूर बाज़ार यांच्या संयुक्त विद्यमाने सोमवार दिनांक ८/०२/२० रस्ता सुरक्षा अभियान २०२१ अंतर्गत सडक सुरक्षा जीवन रक्षा हे ब्रीद वाक्य घेऊन रस्ता सुरक्षा नियमांचे मार्गदर्शन श्री. पंकज दाभाळे, सहाय्यक पुलिस निरिक्षक यांनी प्रथम महाविद्यालयाच्या सांस्कृतिक सभागृहात सर्व राष्ट्रीय सेवा योजनांच्या स्वयंसेवकांना केले. सदर कार्यक्रमास प्राचार्य डॉ. राजेंद्र रामटेके अध्यक्षस्थानी होते तर प्रास्ताविक डॉ. डॉ. मंगेश अडगोकर तर संचालन डॉ निधी दीक्षित व आभार डॉ. प्रफुल्ल चौधरी यांनी केले. त्यानंतर चांदूर बाजार शहरातील चौकात वाहतूक नियमांचे लोकांनी पालन करण्याकरिता पथनाट्य सादर करून व गीताद्वारे जनजागृती करण्यात आली.  

सडक व परिवहन मंत्रालय व युवा कार्यक्रम आणि खेळ मंत्रालय, भारत सरकार द्वारा निर्देशित पत्रानुसार संपूर्ण भारतात दरवर्षी होणाऱ्या अपघाताचे प्रमाण कमी व्हावे व सामान्य जनतेमध्ये रस्ता सुरक्षाबाबत जनजागृती होऊन वाहतूक नियमांचे पालन व्हावे याकरिता दरवर्षी रस्ता सुरक्षा सप्ताह राबविण्यात येतो. यावर्षी पासून १८ जानेवारी ते १७ फेब्रुवारी २०२१ हा महिण्याकरिता रस्ता सुरक्षा अभियान राबविण्याचे सूचना दिल्यात. त्यानुसार राष्ट्रीय सेवा योजना, संत गाडगे बाबा अमरावती विद्यापीठ, अमरावती यांच्या मार्गदर्शनात टोम्पे महाविद्यालयात रस्ता सुरक्षा नियमांचे मार्गदर्शन व चांदूर बाजारात पथनाट्य व गीताने रॅलीद्वारे जनजागृतीचे आयोजन करण्यात आले.

सदर रॅलीची सुरवात टोम्पे महाविद्यालय पासून शिवाजी महाराज चौक, पोलीस स्टेशन, बस स्टॅन्ड, जयस्तंभ चौक, नेताजी चौक, बेलोरा स्टॉप व पोलीस स्टेशनला श्री. आठवले साहेब यांच्या मार्गदर्शनाने समाप्त झाली. रॅलीमध्ये रस्ता सुरेक्षाबाबत घोषवाक्याचे फलक स्वयंसेवकांनी हातात घेऊन घोषणा दिल्यात तसेच पथनाट्यामध्ये भरधाव वेगाने वाहन चालवणे, क्षमतेपेक्षा अधिक प्रवाशी बसवणे, वाहन चालवतांना मोबाईलवर बोलणे, मद्य प्राशन करून वाहन चालवणे, चुकीच्या बाजूने वाहन चालवणे, हेल्मेटचा वापर न करणे, कार चालवतांना सीट बेल्ट न लावणे, वाहनाचा विमा न काढणे अशा अनेक वाहतूक नियमांचे सादरीकरण करत जनसामान्य लोकांपर्यंत अपघाताचे दुष्परिणाम काय होतात हे रासेयो स्वयंसेवकांनी उत्क्रुष्टपणे मांडले.

सदर रॅलीचे आयोजन श्री. सुनिलजी किनगे, पोलीस निरीक्षक, चांदूर बाजार, प्राचार्य डॉ. राजेंद्र रामटेके, डॉ. मंगेश अडगोकर, रासेयो, कार्यक्रम अधिकारी, डॉ. प्रफुल्ल चौधरी, रासेयो, सहकार्यक्रम अधिकारी, डॉ निधी दीक्षित, रासेयो, महिला कार्यक्रम अधिकारी आणि डॉ. राजेश्री अतकरे, ग्रामीण रुग्णालय यांच्या मागदर्शना खाली स्वयंसेवक दिग्दर्शित व रचनाबद्ध खुशबू जैस्वाल, धीरज काळे, ऋतुजा इंगळे, ऋतुजा वासनिक, लोकेश मेटांगे,श्रद्धा निंभोरकर, आदर्श इंगळे, आशिष साळवी, शिवानी कपिले, प्रतिक कोल्हे, भुषण खेडकर, साक्षी घोम, शामल तायवाडे, प्रज्वल मुळे, स्तुती टिकले, यश इंगळे, वैष्णवी इंगळे, देवांशू वाटाणे , प्रज्वल मेहरे , सुमित ठाकरे, प्रतिक आके, हर्षल ओकटे इत्यादी विदयार्थ्यांनी उत्स्फुर्तपणे सहभाग पथनाट्यात नोंदवला. सदर रॅलीमध्ये श्री. पंकज दाभाळे सहाय्यक पुलिस निरिक्षक, राठोडसाहेब, आठवले साहेब, श्री. सुमित गवळी, डॉ. प्रशांत सातपुते, प्रा. ज्ञानेश्वर वारंगे, डाॅ. उमेश कनेरकर, डाॅ. प्रविण परिमल डाॅ. अतुल सरोदे तर शिक्षकेत्तर कर्मचारी श्री. शरद नानोटे व  विदयार्थी, पोलीस अधिकारी, नागरिक सहभागी झाले.